Yaad karliya karta hu...

Haseen tha vo waqt jab Raat ko neend chein ki aaya karti thi,

Ab sirf kal Subha ki daud ki taiyaari kiya karta hu...

Khushi alag hi ek nayi Subha ki hoti thi,

Ab sirf shaam dhalne ka intejaar kiya karta hu...

Boldiya karta tha har ek baat tab main kisise bhi,

Ab sahi waqt ka intejaar main kiya karta hu...

Kamjori tab sirf ek shareer ke liye hua Karti thi,

Aaj apne jajbaaton se khilvaad main kiya karta hu...

Tab mere gaaon ki mitti mei bhi ek alag hi mehak hua karti thi,

Ab is sheher ki dhool se door bhaag jaaya main karta hu...

Hoti thi hazaar baatein Aur dost bhi anginat tab,

Ab baatein to hain par sunane k liye doston ka intejaar main kiya karta hu...

Tab bojh sirf school ke basste ka hua karta tha,

Aaj jimmedaariyon ko apne sath lekar main chalta hu...

Tab dikhti thi chot to sabke saamne ro liya main karta tha,

Ab chhupi hua dard lekar akele Mei Mann halka karliya karta hu...

Tab darr tha Raat ke andhere Mei kahin kho jaane ka,

Ab din ke ujaale mei bhi kho main kahin jaaya karta hu...

Tab maa baap ki shakal dekhe bina sukoon ni milta tha,

Aaj unko dekhkar chhup main jaaya karta hu...

Sukoon bhara tha har ek pal jab koi fikar ni kisiki thi,

Ab sirf unko yaad karke khush main ho liya karta hu...

Kahan gye vo din, unhe yaad main bahut kiya karta hu...

Ji chahta hai...

Sab vyasst hain na jaane kis jahan mei,

Sab ko hasi se rubaru karaane ko ji chahta hai,

Na waqt hai na jindagi,

Pal do pal ki saans lene ko ji chahta hai.

Thakgya nakli muskaan se,

Ab khilkhilaa ke hasne ko ji chahta hai,

Par fasjaata hai jaakar kahin na kahin ye mann,

In sbse azaad hokar udne ko ji chahta hai.

Bhale hi na rhe sath kisi ka,

Par dikhaave se bachkar rehne ko ji chahta hai,

Hogyi hai thakaan ek raushni ki kiran dhundte dhundte,

Ab is dhundli si duniya mei kho jaane ko ji chahta hai...

Tujhe bas itna karna hai...

ruk na bande tujhe darr kis baat ka hai,
galat tu ni, bas farak ye haalat ka hai,
dukh ki kadar itni mat kar apni jindagi mei,
keemat to bas khushiyon ke sath ka hai.

Kismat kise kehte hain kya jaanta hai tu!
kabhi bhook se rote hue bachhe ko dekha hai?
Agar kehta hai apni kismat ko kharaab tu,
Kabhi baarish se bachte beghar logon ko dekha hai?

Agar na ho khushi tujhe apni jindagi se mere dost,
to kisi majdoor ko ek waqt ki roti khaate hue dekhna,
na mile sukoon tujhe fir bhi agar,
kisi apaahich ki ekdin ki jindagi bitaakar dekhna.

sab hote hue bhi kyu tu rota hai,
shukar kar us rab ka jo tu araam se ghar mei sota hai,
agar khush na ho us neend se tu apni,
to ek raat sadak kinaare sokar dekhna
jab na hoga pata subha uthne ka,
us raat ek ghante ki hi neend ke sukoon ko dekhna.

Jyada ni, karna tujhe bas itna hai,
Liye pyaari muskaan yuhi bas chalna hai,
khushi se jagmag pure jahan ko karna hai,
rote hue aaye hoge tum is duniya mei magar,
vaada kar khudse ke haste hue marna hai.
-dk

Jaruri to na tha...

Aate hain aneik khayaalaat is mann mei aksar,
Kar jaate hain vichlit mujhko vo aksar,
Par har khayaal ko dil se lagaana jaruri to na tha,
Yuhi ki thi gustaakhi sochkar tujhe apna banaane ka,
Par us gustakhi ka jikra tujhse karna jaruri to na tha.

Katgyi thi dor is patang ki bhi kabhi kisi roj,
Khule aasmaa mei hawa ke sath chali jaa rahi thi,
Mili thi ek manzil tujhe dekhkar ise,
Tujhe bas ek dor se isko baandhna hi to tha.

Ghazab hain ye jindagi ke khel bhi janaab,
Kareebon ko jaanane ke liye door jaana hi padta hai,
Keh diye hote do shabd meri tareef mei yuhi tumne bhi,
Yuhi meri maut ki afvaah failaana jaruri to na tha.

Yun to beshumaar vichaaron ka mela laga hai,
Shabdon ka bhi mere paas ek bharpoor samaa hai,
Likhne ko to alfaaz kam padjaayein is jahaan ke,
Par har jajbaat ko akaar dena jaruri to na tha...

Ae dost teri dosti...

Ae dost teri dosti ke kaise ye rang,
Na aati thi saans jo tu hota na tha sang.
Yu to hai bitaate hain zindagi samajhdaaro ki tarah,
Lekin mzaa aata tha tabhi jab krte thei tujhe tang.

Tere liye jaan apni main nyochhaavar kiya karta tha,
Samajh jaata tha har baat, jo tu kaha bhi na karta tha.
Tere har gham ko samajhkar dukh main apna,
Har mod par sath tera diya main karta tha.

Bas teri ek yaari hi mujhko sabse pyaari thi,
Ye dor na toote bas ye dua hamesha hamaari thi.
Waqt tha bura ya kehlo hum thei bure,
But mere dost tujhse meri bahut dildaari thi.

Tu nikalgya shayad aage kahin mujhse bahut, 
Kyuki dosti mei mujhe hoshiyaari ni aati.
Beshaq na samjhe mere jajbaaton ko koi,
Par kya kru dost, mujhe gaddari ni aati.

Jhakhm ye goli ka hota to chaljaata,
par boli ke ghaav bharte nahin.
Yaari to hamaari basti thi dilon mein,
Gairon se bhi koi aise karta nahin.

Maana hazaaron hain tere chaahne vaale,
Hum bhi usme hain aur pehle bhi hua karte thei.
Yaari ki misaalein aisi thi hmaari,
Ke duniya mei tere mere charche hua yu karte thei.

Ghamannd kiya maine,
par teri dosti par kiya,
apni dosti mei ni kiya.
Tu hoga shayad sahi apni jagah,
par hai bharosa mujhe bhi khudpar,
ke maine bhi isbaar kuch galat ni kiya. 

Agar ye dosti ki dor kisi vajah se tooti hai,
To nuksaan mera ni, viraasat ye teri luti hai.
Kabhi waqt aayega jab tujhe ye ehsaas hoga shayad,
Ke teri kitni anmol cheej tujhse ye chooti hai.

Chhayi hai dhundh...

Dhundh ye mausam ki hai ya teri soch par kuch chhaya hai?
Badalgyi hai shaksiyat teri ya kisi ka koi saaya hai?
kaisi ye kashmakash mei fasi hai meri kashti,
Pataani tu kuch kho rha hai ya tune kuch paaya hai!!

Chhaane laga hai rishton mei bhi kuch dhhuaan jaisa,
Na chaaha tha kabhi ho aur na socha tha kabhi hoga aisa,
Sirf ek baat gholdeti hai kadvaahat rishton mei,
Na-jaane kya waqt kabhi aayega lautkar pehle jaisa.

Jahaan rehti thi har waqt roshni sooraj ki dhhoop se,
Wahan ab sirf ek garmaahat hi rehgyi hai.
Hota tha mujhe bhi guroor kabhi us ujaale par,
Wahan bas ek bhujti si kiran hi rehgyi hai.

Kiye jatann itne ke mithaas vo abhi bhi bani rhe,
Na toote ye rishta, vo dor abhi bhi bandhi rahe.
Ye jaana lekin maine bhi ae dost,
Jhakhm goli ke bharte hain, boli ke nahin,
Laakh ghol lo shehad ab jindagi mei,
par ek kadvaahat si to reh hi gyi hai.

Ye Zindagi...

kya hai ye jindagi, bas kuch palon ka khel
kya hai ye rishte, bas kuch dilon ka mel.
Fir kyu udaasi ke palon mei apni jindagi bitaaye jaa rha hai,
Fir kyu yahan aakar bhi akele hi gumnaami mei jiye jaa rhe hai.

Kabhi dekh ek jhalak apni jindagi ko palat kar tu,
Vo khushi ke geet gunguna rahi hai.
Kabhi sun ruk kar uski avaaj ko bhi tu,
Vo paas apne bula rhi hai.

Kyu tere hasne par bhi itne savaal hai,
Kyu tera jeena bhi itna behaal hai.
Tujhe dekhkar bhi ye duniya hairaan hai,
Chehre se haskar bhi dil se tu kyu pareshaan hai. 

Jaa udne de apni saari umeedon ko tu,
Jaa jalne de apne saare angaaron ko tu.
Fir dekh sab unchaaiyon ko chuyega tu,
Khud se bhi aage ekdin badhega tu.
Bataade sabko jo bhi tune dil mei rakha hai,
Dikhaade sabko jo bhi tune khud se seekha hai.
Mat de khudko daga tu ye tere imaan hai,
Kyu rakhta hai sabkuch samet kr apne seene mei,
Teri aankhein ye tujhse bhi jyada beimaan hain.