Lautaade mujhe. . .

Ye kaisa jaadu sa chalaaya tha tune,
Bas apnapan sa har jagah feilaaya tha tune,
Main bhulgaya tha matlab jindagi ka,
Meri jindagi ko firse rangeen banaaya tha tune.
Na tha koi dukh, thi bas teri khushboo chaaron ore,
Meri khushiyon ki lehron ka ni tha koi chhor,
Har pal tha khushiyon se bhara,
Koi aisa saaz banayaa tha tune.
Teri khushi ke liye puri jindagi lutaadu,
Tujhe paane ke liye puri duniya mitaadu,
Gaata tha dil, jhoomta tha mann,
Kuch aisa pyaar dikhaya tha tune.

Lekin...
Achanak se tu kahan hai khogaya,
Meri jindagi mei sab veeran hai hogaya,
Ab har taara hai tootata, har kashti hai doobti,
Is anjaan duniya mei meri najar, sirf tujhe hai dhundti,
Kahan gaya tu ek pal ki khushiyaan dekhar,
Gum hogaya hai tu kahin mera sab kuch lekar.

Tere sath bitaya har pal tha jaise koi saal,
Tere bina hua hai sab behaal,
Lautaade mujhe vo din, vo pal, vo lamhe,
Ab fir kabhi mera dil ye na sehme,
Hai agar tujhe mujhse pyaar itna,
Kyun kiya mujhe dar-kinaar itna,
Mere andar se ab bas ek hi avaaj hai aati,
Har saans bas ab tera naam hai yaad dilaati,
Lautaade mujhe fir meri jindagi,
Banja firse tu meri jindagi,
Tere bina har pal hai adhoora,
Lag jaa gale aur karde ise poora,
Bas ab har waqt teri hi kami hai,
Meri aankhon mei bas tere liye hi nami hai,
Lautaade mujhe fir meri jindagi,
Banja firse tu meri jindagi. . .