Ye kaisa Jahan. . .

Kal raat fir aaya ek khwaab adhura,
Paaliya tha maine ek naya jahan poora,
Kiyaa tha meri kismat ne ishara,
Karle apne muthhi mei ye jahan saara,
Ye kahan aagaya main,
Sab rishte tod aaya main,
Sab kuch peeche chhod aaya main,
Ajab hai ye jahan jisme har ek insaan hai pyara,
Gazab hai ye jahan jisne sabko hai nikhara,
Insaaniyat hai yahan har ek ke raghon mein, 
Mohabbat hai yahan sabhi ke dilon mei,
Nahin yahan koi kisika dushman,
Saaf hai yahan sabka tann mann,
Achanak kahan se ye dhuuan hai aaya,
Fir mujhe vaapas is jahan mei hai kheench laaya,
Fir hogi wahi bhaagam bhaag,
Gaayenge log fir apne raag,
Nahin hain yahan khushiyaan,
Agar hai to sirf ek divaar,
Hain chaaron taraf sarhadein,
Hoti hain ladaaiyan baaram baar,
Kyun hoti hain jung,
Kyun behta hai laal rang,
Ni jeena is jahan mein,
Ni saans leni is samaa mein,
Jaa rha hu main jahan ho jeene ki aas,
Jaa rha hu main jahan sab ho mere paas,
Jaa rha hu main. . .