Fir ek koshish. . .

Kya fir aaj ek koshish karu khud ko jaanane ki,

Is anjaan si duniya mei ek pehchaan banane ki.

Thakgya sbka sath nibhaate  nibhaate,

Khud hi kahin khogaya sabke paas aate aate,

Hamesha chaaha sbko muskuraahat du,

lekin mujhko hi rulaagye sab door jaate jaate.

Kabhi to aayega vo din jab kisike liye apni bhi koi keemat hogi,

jo chaahu vo paaunga, vo bhi kya kismat hogi,

Haar khushi degi sath mera,

Kisise kabhi na chhootega ye hath mera,

Par kya saansein bachengi meri vo waqt aate aate.

Udne ko hai poora aasman lekin pinjre ki ye janjeerein hain,

kya milegi kabhi raahat, haathon mei kya vo lakeerein hain.

Kabhi chaaha nahin vo jo hadd se jyada ho,

pyaari ho har chij aur pyaara har vaada ho,

fir kya thi mushkil mera sath nibhaane mei,

Chala gaya door aur khogaya kahin is jamaane mein.

Ki bahut koshishein, ki bahut mannatein,

Aasani se ni kam hogi tere liye ye chaahatein,

isliye shayad ye janam b kam padega tera chehra bhulaane mein.

Karunga fir aaj koshish ek aur,

jalegi teri aaj ek tasveer ek aur,

par mile kabhi fursat to itna jarur btaana,

Kyun kamjor pda tu mera sath nibhaane mein.

Kya fir aaj ek koshish karu khud ko jaanane ki,

Is anjaan si duniya mei ek pehchaan banane ki. . .

bhale hi koi aaye ya jaaye,

par kbhi kami poori na hogi tere mujhse door jaane ki. . .

Kya fir aaj ek koshish karu khud ko jaanane ki. . .

Funny Insaan

Aao yaaron chalo, ek naya jahan hum banayenge,
Kuch bhi ho chaahein tension, par hum sadaa khushiyaan feilayenge.
Banegi aisi duniya jahan sab hi muskurayenge,
Jiyenge sab khulkar, dukh apne bhuljayenge.
kal mila ek banda mujhe, jab main jaa raha tha raste se,
kapde thei uske gande aur shoes bhi thei saste se.
Maine usse pucha hua kya tujhe hai, kahan gayi teri hasi hai,
Bola meri jindagi ek mod par aa fasi hai,
Paise hain na jeb mei aur khaali bhi mera hath hai,
Rukgyi hai jindagi aur koi na mere sath hai.
Maine bola sun meri baat jara dhyaan se,
Baith chup chaap aur hataale parde kaan se,
Maana teri pocket hai khaali, par hasne par kya tax hai,
Badhta kyun ni hai aage, kya tere shoes mei wax hai!!
Milegi tujhe saari khushiyaan tu jara try to kar,
Fir lgega tujhe ke teri life bhi ekdm relax h.
Yahi mera kehna hai sab padhne vaalon se,
Mat ro uske liye jo hota aarha hai saalon se.
Bhulaakar sab mushkilein aur khushi feilaao jamaane mein,
Fir dekhna kya sukoon milega sabko hasaane mein.
Hoga ekdam new jahan sab hi muskuraayenge,
Koi bhi aaye musibat, sab milkar hath bataayenge,
Jis din banega aisa jahan, usidin hum insaan kehlaayenge.

Maa...

Bolne ko sirf ek akshar nahin, 

khud mei hi pura ek sansaar hai Maa,

Kehne ko keval ek naari nahin, 

Rishton ki sundar si moorat hai Maa.

Maa ke rehte hoti na koi pareshaani,

Maa ke hote pahucha na paaye koi bhi haani,

Uske bina hai jindagi adhuri,

Maa hai jaruri jaise jine ke liye paani.

Jindagi hai apni maine tujhse hi paayi,

Ye saari khushiyaan mere jeevan mei tu hi hai laayi.

Tune hi sikhaaya mujhe uthna aur chalna,

Tune hi sikhaya jindagi mei aage hai badhna.

Kehta hai koi 'AMMA' to koi bulaata hai 'AAI',

Kami na hoti Maa ki poori chaahein karlo kuch bhi kamaai.

Dekha na maine kabhi uparvaala jo hai,

Is duniya ka rakhvaala jo hai,

Maine to sirf teri parchhai hai paayi,

Khush-kismat hu main jo Bhagvaan ke roop mei teri chhaya hai paayi.

Koshish hai karu teri jindagi ka har sapna main poora,

Khush rahe tu hamesha kyunki tere bina mera sab kuch hai adhura.

Adhuri Khwaaishein. . .

Rehgyi kuch baatein adhuri,
Kuch umeedein,
Kuch khwaaish,
Jo kbhi na hui puri.
Socha tha jindagi bhar tera sath hoga,
Fir kaisi bhi ho raah,
Sath tere chalna khushnuma hoga,
Foolon ki khushbu sa mehkaaya tune mera jahan,
Indra-dhanush ke rango sa sajaya tha sama,
Meri bhi thi khwaish tujhe har khushi main du,
Muskurahat ho teri wajah main banu,
Ho jo bhi paane ki teri tamanna,
Teri ho gujarish aur kadmo mei tere use main rakhdu.
Bas itna sa khwaab ya itni thi chaahat,
Khud ko hi paaun tjhme har lamha har waqt.
Socha dega tu sath aur hoga jindagi bhar tera pyar,
Bas itna sochkar kiya tha tujhse ikraar,
Na apnaaya tune aur na hi kiya inkaar,
Chhoda is naiyya ko besahara beech majhdaar.
Ye dekh khuda ne bola tu bas use pyar kiye jaa,
Sachhi hai teri neeyat to bs intejaar kiye jaa.
Hai tujhpar meri najar,
Gujrega ye imtihaan bhara manjar,
Hoga tu bhi chaahat uski ekdin,
Ni jee paayegi ek pal bhi vo tujh bin,
Naam hoga tere uske dil ka har kona,
Chahegi uski saans sirf tera hona.
Tab achaanak ek tez roshnu thi chhaayi,
Apne sath ek umeed ki kiran bhi laayi,
Meri itni hai dua tujhse ae khuda,
Ke agr us pathhar dil ko meri kadar na ho paaye,
Karna kuch aisa ke meri saansein jaldi hi rukjaayein,
Aur meri har khwaaish adhuri ki adhuri hi rehjaaye. . .